საქართველოში და ზოგადად სამხრეთ კავკასიაში მედიის თავისუფლების საკითხებზე ისაუბრეს საქართველოს პარლამენტის თავმჯდომარემ, დავით უსუფაშვილმა და ეუთოს წარმომადგენელმა მედიის თავისუფლების საკითხებში, დუნია მიატოვიჩმა დღეს პარლამენტში გამართულ შეხვედრაზე.
შეხვედრაზე აღინიშნა, რომ საქართველოში მედია არის თავისუფალი და მრავალფეროვანი, რაც აუცილებლად უნდა შენაჩუნდეს. როგორც სტუმარმა აღნიშნა, ეუთო მზადაა საქართველოს დაეხმაროს ამ საკითხში.
საუბარი შეეხო ზოგადად საზოგადოებრივი მაუწყებლების საქმიანობას და მათი დიგიტალიზაციის (გაციფრულების) პროცესს. დუნია მიოტოვიჩმა ისაუბრა სამხრეთ კავკასიის მედიის XI საერთაშორისო კონფერენციაზე, რომელიც ეუთოს ეგიდით დღეს თბილისში გაიხსნა.
