ყოფილმა პრემიერ-მინისტრმა ქვეყანაში „ბევრი რამ არასწორი" აღმოაჩინა
„საქართველოს ყოფილმა პრემიერ-მინისტრმა და ქვეყნის ფორმალურმა ლიდერმა შაბათს საზოგადოებრივი ტელევიზიის პირველ არხს ვრცელი ინტერვიუ მისცა, რომლის დროსაც მან საქართველოში ბოლო ხანებში მომხდარი მოვლენები შეაფასა. კერძოდ, იგი შეეხო მინისტრების გადადგომას, პარტია „თავისუფალი დემოკრატების" მმართველი კოალიციიდან გასვლას, „ერთიანი ნაცმოძრაობის" მცდელობებს ხელისუფლებაში დასაბრუნებლად და მასმედიიის როლს პოლიტიკურ პროცესებში", - ნათქვამია „ნეზავისიმაია გაზეტას" სტატიაში (ავტორი - იური როქსი).
„მოკლედ თუ ვიტყვით, ბიძინა ივანიშვილი ძალიან ბევრი რამითაა უკმაყოფილო, რაც საქართველში ხდება: მას არ მოსწონს, თუ როგორ მუშაობს მასმედია, კერძოდ, ტელეკომპანიები, განსაკუთრებით აქცენტი გააკეთა „რუსთავი-2"-ზე, რომელიც, მისი თქმით, არაობიექტურ ინფორმაციებს ავრცელებს, ამ ტელეარხს არ აქვს კვალიფიცირებული ანალიზი" და ა.შ. სიტუაციის გაუმჯობესების მიზნით ბიძინა ივანიშვილმა გადაწყვიტა თვითონ იმუშაოს წამყვან ანალიტიკოსად, მასთან ერთად რამდენიმე ექსპერტიც იქნება, რომლებიც ამა თუ იმ მოვლენას გაანალიზებენ და მოსახლეობას სწორ დასკვნებს მიაწვდიან.
საერთოდ, სიტყვები „სწორი" და „არასწორი" ბიძინა ივანიშვილის გამოსვლაში დომინირებდა: „არასწორი" იყო, მაგალითად, ირაკლი ალასანიას მოქმედება, „არასწორი" იყო აგრტეთვე მისი პარტიის მიერ კოალიცია „ქართული ოცნების" დატოვება, „არასწორი" იყო იმ მინისტრების მიერ გადაგმული ნაბიჯი, რომლებიც ირაკლი ალასანიას მხარი დაუჭირეს... „არასწორი" იყო პრემიერ-მინისტრის ირაკლი ღარიბაშვილის ქცევაც, როცა მან თავი ვერ შეიკავა და ოპონენტი არაეთიკური ეპითეტებით შეამკო. „არასწორად" უთქვამს პრეზიდენტ გიორგი მარგველაშვილსაც, როცა მას მოვლენების შეფასების დროს „კულისებიდან ქვეყნის მართვა" წამოსცდა.... ამასთან, ბიძინა ივანიშვილმა განაცხადა, რომ ქვეყანაში პოლიტიკური კრიზისი კი არა, მხოლოდ სიმპტომები გაჩნდა, რომელიც სწრაფად იქნა ნეიტრალიზებული.
არის ეჭვი, რომ ბიძინა ივანიშვილი, შესაძლებელია, სასურველს სინამდვილედ ასაღებს: იმავე საღამოს, ექს-პრემიერ-მინისტრის „პირველ არხზე" გამოსვლის შემდეგ, ტელეკომპანია „მაესტროს" სტუდიაში პრეზიდენტი გიორგი მარგველაშვილი გამოვიდა, ასევე პირდაპირი ეთერში ისაუბრა და ბიძინა ივანიშვილის კრიტიკულ გამონათქვამებს პასუხი გასცა, - აღნიშნულია პუბლიკაციაში.