დღეიდან რუსეთი საქართველოდან მშრალი ხილის იმპორტს ანახლებს. ამის შესახებ რუსეთის ფიტოსანიტარული სამსახური იტყობინება. უწყების განცხადებით, იმპორტიორ კომპანიებს რუსულ ბაზარზე ვაშლის, მსხლის, კივის, მოცვის, მაყვლის, ატმის, გარგარის, ქლიავის, ალუბლის, ჟოლოს, ასკილისა და სხვადასხვა სახის ჩირის შეტანის უფლება ეძლევა. "როსსელხოდნადზორმა" საიმპორტო პროდუქტებში მშრალი ყურძენი, გვირილა, როზმარინი და კენკრის რამდენიმე სახეობაც შეიტანა. რუსეთმა ქართული ღვინის იმპორტზე ემბარგო გასული წლის ივნისში მოხსნა, 2013 წლის ოქტომბრიდან რუსეთში ქართული ციტრუსების, ჩაისა და თხილის იმპორტი განახლდა, მოგვიანებით კი რუსეთმა ქართული ბოსტნეულის იმპორტი განაახლა.
მასალის გამოყენების პირობები
