ამ დრომდე უცნობია ვინ ჩაიბარებს საქართველოს საგარეო საქმეთა მინისტრის ვაკანტურ პოსტს. ვრცელდება ინფორმაცია, რომ პრემიერს კანდიდატურა შერჩეული ჰყავს, თუმცა მას რამდენიმე დღეში თავად დაასახელებს.
არაოფიციალური ვერსიით, საგარეო უწყების ხელმძღვანელის შემცვლელად, ფანჯიკიძის ყოფილი მოადგილის თამარ ბერუჩაშვილის, საგარეო ურთიერთობათა კომიტეტის თავმჯდომარე თედო ჯაფარიძის, პრემიერის სპეციალური წარმომადგენლის რუსეთთან ურთიერთობის საკითხებში ზურაბ აბაშიძის, ეუთო-ში საქართველოს ელჩ კოტე ზალდასტანიშვილისა და ეროვნული ბანკის ყოფილი პრეზიდენტის ირაკლი მანაგაძის კანდიდატურებზე საუბრობდნენ.
შეგახსენებთ, რომ საგარეო საქმეთა მინისტრმა მაია ფანჯიკიძემ თანამდებობა 2014 წლის 5 ნოემბერს დატოვა. მაია ფანჯიკიძე საქართველოს საგარეო საქმეთა მინისტრად 2012 წლის 25 ოქტომბერს დაინიშნა.