„ოქროს პერგამენტი 2014" ლაურეატების - წლის ადამიანებისა და კომპანიების გამოსავლენად ნომინატების შერჩევა დაიწყო.
„ოქროს პერგამენტის" დაჯილდოვების ცერემონილის ორგანიზატორები - ახალი ამბების სააგენტო „ჯი-ეიჩ-ენის" და საკონსულტაციო კვლევითი ჯგუფი „ჯი-სი-ჯი" საზოგადოებას ტრადიციულ ნომინაციებთან ერთად წელს ახალ ნომინაციასაც შესთავაზებენ.
„გარკვეული ცლილებები შევიტანეთ დებულებაში. წელს გვექნება ახალი ნომინაცია - წლის უფლებადამცველი. ნომინაციის იდეა შარშან გაჩნდა, როდესაც საპატიო „ოქროს პერგანეტით" თამარ გურჩიანი დაჯილდოვდა. შესაბამისად, მივიღეთ გადაწყვეტილება , რომ „წლის უფლებადამცველის" ნომინაცია ტრადიციული ნომინაციების ნუსხაში მოხვდეს", - აცხადებს აცხადებს GHN-ის გენერალური დირექტორი გოჩა მირცხულავა.
მისივე განმარტებით, კანდიდატების შერჩევა, რომელშიც მონაწილეობას შესაბამისი სფეროს 120 ექსპერტი და სპეციალისტი მიიღებს ნოემბრის ბოლოს დასრულდება, ხოლო გამოკითხვა დეკემბრის დასაწყისში დაიწყება.
„დეკემბრის დასაწყისში გამოკითხვას მთელი საქართველოს მასშტაბით დავიწყებთ. ტრადიციულად, ერთადერთი ნომინაცია, სადაც რესპოდენტებს მიეცემათ თავისუფალი არჩევნის საშუალება, არის "წლის ადამიანი". სხვა ნომინაციებში გამოკითხვის ანკეტაში მითითებული იქნებიან კონკრეტული კანდიდატები, რომლებიც რეიტინგული გამოკითხვით შეირჩევიან", - აცხადებს მირცხულავა.
„ოქროს პერგამენტის" ლაურეატები 12 ნომინაციაში დასახელდებიან. აქედან 11 გამარჯვებული გამოკითხვის საფუძველზე გამოვლინდება, ხოლო ერთ ნომინანტს - ოქროს პერგამენტის" საპატიო ლაურეატი - ორგანიზატორი, ახალი ამბების სააგენტო GHN - დაასახელებს. საკონსულტაციო კვლევითი ჯგუფი „GCG"-ის მიერ გამოკითხული იქნება 3 000-მდე რესპოდენტი. გამოკითხვა საქართველოს მასშტაბით ჩატარდება.
2014 წლის „ოქროს პერგამენტის" ლაურეატები გამოვლინდებიან შემდეგ ნომინაციებში: წლის ადამიანი, პოლიტიკოსი, უფლებადამცველი, ბიზნესმენი, ხელოვანი, ჟურნალისტი, სპორტსმენი, წლის პროექტი, კომპანია, ბრენდი, უცხოური კომპანია და „ოქროს პერგამენტის" საპატიო ლაურეატი.
მირცხულავას განცხადებით, დაჯილდობის ცერემონიალის, სოციალური და კულტურული პროექტის ფარგლებში, გენერალური სპონსორი კაზინო „შანგრი ლა" უმასპინძლებს.
"გენერალურ სპონსორობასთან დაკავშირებით წელსაც საკმაოდ ბევრი შემოთავაზებები გვქონდა. თუმცა გასულ წელს „შანგრი ლამ" მაღალ დონეზე უმასპინძლა ღონისძიებას, ამიტომაც გადაწყვეტილება კვლავ მის სასარგებლოდ მივიღეთ", - აცხადებს მირცხულავა.
ღონისძიების საინფორმაციო მხარდამჭერები: რუსთავი 2, რადიო „ფორტუნა", GHN, გაზეთი „პრემიერი",გაზეთი"ვერსია", გაზეთი „ქართული სიტყვა", "მთავარი.ინფო".
გასულ წლებში სხვადასხვა ნომინაციაში "ოქროს პერგამენტის" ლაურეატები არიან: საქართველოს კათალიკოს-პეტრიარქი ილია მეორე, პაატა ბურჭულაძე, ჭაბუა ამირეჯიბი, მიხეილ სააკაშვილი, ირაკლი ალასანია, თეა წულუკიანი, ნინო ბურჯანაძე, გიორგი თარგამაძე, რობერტ სტურუა, ზურაბ ლეჟავა, გიორგი ოვაშვილი, რუსუდან ჭყონია, დავით კიკალიშვილი, ინგა გრიგოლია, ვახო სანაია, ნინო შუბლაძე, ია ანთაძე, ნოდარ მელაძე, თეა სიჭინავა, ეკა კვესიტაძე, დენის კიფი, პატრიცია ფლორი, მამუკა ხაზარაძე, გიორგი გოგუაძე,პაატა კურტანიძე, მაია რჩეულიშვილი, გელა მთვივლიშვილი, ირაკლი ღარიბაშვილი, თამარ გურჩიანი, სოსო ფხაკაძე, მანუჩარ კვირკველია, საქართველოს საკალათბურთო ნაკრები, საქართველოს მორაგბეთა ნაკრები, ირაკლი ცირეკიძე, ნოდარ ქუმარიტაშვილი, ნიკოლოზ ვაჩეიშვილი, კობა სუბელიანი, სანდრა რულოვსი,"გმირი" - თაკო ფხაკაძე, "ვანის საგანძური" - დავით ლორთქიფანიძე, „საქართველოს ვარსკვლავი", "ნათელი ქრისტესი - საქართველო" - ნესტან კირთაძე, "ფონდი "იავნანა" - პაატა ბურჭულაძე, "ძველი თბილისის ახალი სიცოცხლე", "აღმაშენებლის გამზირი და განახლებული გუდაური" - გიგი უგულავა, "ლუდსახარში ნატახტარი, "გალფი", „თეგეტა მოტორსი", „სმარტი", „კავკასუს ინლაიანი", „რომპეტროლი", "კავკასუს ინლაიანი", "იმედი L", "თელიანი ველი", "ავერსი", "აქსისი", თი-ბი-სი ბანკი, საქართველოს ბანკი, "ჯეოსელი", "მაგთი", "სახალხო ბანკი", "სოკარი", "ლიბერთი ბანკი", „ბანკი რესპუბლიკა". საქართველოს ჯარისკაცი, ირაკლი კვერღელიძე (კომპანია «ორბი»), ნანა ექვთიმიშვილი და საიმონ გროსი, გაბუნია გიორგი, წლის პროექტი - «The ვანოს შოუ», «Georgian Airways», «პე-ეს-პე», «ზედაზენი»
