უკვე ყოფილი ფრაქცია ,,თავისუფალი დემოკრატების" წევრი გედევან ფოფხაძე მიიჩნევს, რომ მისმა თანაგუნდელებმა გადაწყვეტილების მიღებისას იჩქარეს.
ფოფხაძემ თავდაცვის ყოფილ მინისტრს ირაკლი ალასანიას წარმატება უსურვა, თუმცა აღნიშნა, რომ მისი ადგილი საპარლამენტო უმრავლესობაშია.
,, მე მივიღე გადაწყვეტილება, რომ დავრჩე უმრავლესობაში და დავტოვო ფრაქცია ,,თავისუფალი დემოკრატები". ხაზგასმით ვაცხადებ, რომ ,,თავაისუფალი დემოკრატები" არიან ჩემი მეგობრები, ძალიან კარგი და ღირსეული ადამიანები. მინდა წარმატება ვუსურვო მათ, ირაკლი ალასანიას, პიროვნებას, რომელიც ქართული პოლიტიკისთვის, ჩემი აზრით, არის ძალიან ღირებული, თუმცა მიმაჩნია რომ ჩემი ადგილი არის უმრავლესობაში. ის ემოციური განწყობა რაც ,,თავისუფალ დემოკრატებში" იყო არ გადმომედო და ვერ გავიზიარე. მიმაჩნია, რომ უფრო მშვიდად, წყნარად, უნდა დაგვეყენებინა ის მოთხოვნები რაც გვქონდა ფრაქციას, ირაკლი ალასანიას", _განაცხადა ფოფხაძემ.
შეგახსენებთ, რომ გედევან ფოფხაძემ ფრაქცია ,,თავისუფალი დემოკრატები" დატოვა და საპარალემნტო უმრავლესობაში რჩება. აღნიშნული გადაწყვეტილება ფოფხაძემ საგანგებო ბრიფინგზე გაახმოვანა.
