ალექსი პეტრიაშვილის ინფორმაციით, რეგიონებში მათი პარტიის წევრების მისამართით სამართალდამცავების მხრიდან მუქარა ხორციელდება.
როგორც პეტრიაშვილმა "თავისუფალი დემოკრატების" ოფისთან ჟურნალისტებს განუცხადა, მას აქვს კონკრეტული ინფორმაცია, რომ ცალკეულ რაიონებში ადგილი ქვს პარტიის წევრებზე ზეწოლას.
"მაქვს ცალკეულ რაიონებში კონკრეტული ინფორმაცია, რომ სამართალდამცავი ორგანოებისგან ხორციელდება მუქარები და ზეწოლის ტიპის სატელეფონო ზარები, ერთი რომ არ მიიღონ ხვალ პარტიის ყრილობაში მონაწილეობა და მეორე, რომ დატოვონ ჩვენი პარტიის რიგები. მგონი, სააკაშვილის რეჟიმს ამიტომაც ვებრძოდით ერთად და ნუ გაიმეორებენ იგივე შეცდომებს", - განაცხადა პეტრიაშვილმა.
