ჩვენი ფრაქციის სახელწოდება იქნება ანალოგიური იმისა, რაც აქვს ჩვენს პარტიას - ,,თავისუფალი დემოკრატები", -ამის შესახებ, სპარლამენტო ფრაქცია "თავისუფალი დემოკრატების" თავმჯდომარე ირაკლი ჩიქოვანმა, ფრაქციის სხდომის დასრულების შემდეგ ჟურნალისტებს განუცხადა.
მისი ინფორმაციით, ,,თავისუფალი დემოკრატები" უმრავლესობიდან გასვლის შესახებ, უმრავლესობას ოფიციალურად მიმართავს, ასევე, უახლოეს დღეებში წერილობით აცნობებს პარლამენტის თავმჯდომარესა და საორგანიზაციო სამსახურს, ფრაქციისთვის სახელწოდების გადარქმევის შესახებ.
ფრაქციის თავმჯდომარის თქმით, დღევანდელ სხდომაზე შიდასაორგანიზაციო საკითხებთან დაკავშირებული გადაწყვეტილებები მიიღეს. სხდომა არ ესწრებოდა გედევან ფოფხაძე. დატოვებს თუ არა იგი უმრავლესობას, დღის ბოლოს გახდება ცნობილი.
