"თავისუფალი დემოკრატების" სხდომა დასრულდა, თუმცა, დატოვებს თუ არა უმრავლესობას გედევან ფოფხაძე კვლავ უცნობია. ის ფრაქციის სხდომას არ დასწრებია.
როგორც სხდომის დასრულების შემდეგ, ფრაქციის თავმჯდომარე ირაკლი ჩიქოვანმა ჟურნალისტებს განუცხადა, სხდომაზე შიდასაორგანიზაციო საკითხებთან დაკავშირებული გადაწყვეტილებები მიიღეს.
მისივე ინფორმაციით, გედევან ფოფხაძე საკუთრ გადაწყვეტილებას საზოგადოებას, დღის ბოლოს, ბრიფინზე გააცნობს.
"თავისუფალი დემოკრატების" სხდომას, ფრაქციის წევრები, ირაკლი ჩიქოვანი, ზურაბ აბაშიძე, გია ცაგარეიშვილი, დავით ონოფრიშვილი, ნინო გოგუაძე, ვიქტორ დოლიძე და თამაზ შიოშვილი ესწრებოდნენ.
