უკრაინაში, საქართველოს საელჩოში, საინფორმაციო შეხვედრა გაიმართა უკრაინაში აკრედიტებული დიპლომატიური კორპუსის წარმომადგენლებთან და უკრაინის საგარეო საქმეთა სამინისტროს წარმომადგენლებთან. შეხვედრაზე ელჩმა დიპლომატიურ კორპუსს ინფორმაცია მიაწოდა საქართველოს მთავრობის საქმიანობის და გატარებული რეფორმების შესახებ. ასევე ისაუბრა უცხოელთა და მოქალაქეობის არმქონე პირთა სამართლებრივი მდგომარეობის შესახებ. პრეზენტაციის შემდეგ საუბარი კითხვა პასუხის რეჟიმში წარიმართა. საინფორმაციო შეხვედრის დასრულების შემდეგ გაიმართა ქართული დიპლომატიის დღისადმი მიძღვნილი მიღება.
