ოკუპირებული აფხაზეთის ე. წ. შინაგან საქმეთა სამინისტროს სოხუმის სამძებრო განყოფილებაში ტერორიზმის შესახებ ცრუ ინფორმაციის გავრცეების თაობაზე აღძრულია საქმე.
როგორც ე. წ. შინაგან სამეთა სამინისტროს პრეს-სამსახური იტყობინება, ოთხშაბათს 9 საათზე ოკუპირებული აფხაზეთის პრემიერ-მინისტრის კაბინეტსა და პრეზიდენტის კანცელარიაში განხორციელდა სატელეფონო ზარები, რომელიც მინისტრთა კაბინეტის შენობაში ასაფეთქებელი ნივთიერების არსებობის შესახებ იუწყებოდა.
ოპერატიული სამუშაოების შედეგად დადგინდა, რომ ტელეფონის ნომერი 1957 წელს დაბადებულ, სოხუმში მცხოვრებ მარინა ასლანიანცს ეკუთვნოდა.
აფხაზმა სამართალდაცავებმა ასლანიანცი საკუთარ სახლში დაკავეს და სამედიცინო შემოწმებისთვის სოხუმის ფსიქონევროლოგიურ დისპანსერში გადაიყვანეს.
