პრემიერ ირაკლი ღარიბაშვილის განცხადებით, ქვეყნის საგარეო კურსი უცვლელია და იგი არის ევროპული.
,,ჩვენი საგარეო პოლიტიკის კურსი არის უცვლელი და შეუქცევადი და ასე იქნება. ამას ვერავინ ვერ შეაჩერებს. მითუმეტეს ასეთი სასაცილო და გულუბრყვილო განცხადებები, რა თქმა უნდა, არავითარ, ვერავითარ გავლენას ვერ მოახდენს. ეს არის ჩვენი მტკიცე არჩევანი. ჩვენი ქვეყნის, ჩვენი სახელმწიფოს ჩვენი მთავრობის. ამ საქმეს ჩვენ ბოლომდე მივიყვანთ", _განაცხადა ღარიბაშვილმა მთავრობის ადმინისტრაციაში გამართულ ბრიფინგზე.
შეგახსენებთ, რომ თავდაცვის მინისტრის ირაკლი ალასანიას განცხადებით პროცესები როემლიც მისი უწყების ირგვლივ მიმდინარეობს არის შეტევა საქართველოს ევროატლანტიკურ არჩევანზე.
,,მე მინდა ნათლად ვთქვა, რომ ეს არის შეტევა საქართველოს ევროატლანტიკურ არჩევანზე. ეს არის შეტევა იმ სტუქტურაზე, რომელიც გამორჩეული იყო და არის თავისი წარმატებით რეფორმებში, რომელიც გამორჩეულია საგარეოპ პოლიტიკური მიზნების მიღწევის გზაზე. მე მინდა ასევე გითხრათ რომ ძაოლიან კარგად ვიცი ვისი გორისა ვარ. ვერ შემაშინებს ვერც პროკურატურა, ვერც ის ტალახი, რომელსაც დღეს ის ზოგიერთი წარმომადგენლები ისვრიან. მე გპირდებით ქართულ საზოგადოებას, ბოლომდე მივიყვანთ ჩვენს მიერ დაწყებულ საქმეს 2012 წლის არჩევნების შემდეგ და ვუერთგულებთ იმ იდეალებს, რომლისთვისაც საზოგადოებასთან ერთად ჩვენ გავიმარჯვეთ. კიდევ ერთხელ ხაზგასმით ვიტყვი, ახლა მთავარია სიმშვიდე, სიბრძნე და მტკიცედ გავაგრძელოდ საქართველოს პოლიტიკური მომავლისთვის ბრძოლა", _განაცახდა ალასანიამ.
