საქართველოს პრემიერ-მინისტრმა ირაკლი ღარიბაშვილმა თავდაცვის მინისტრი ირაკლი ალასანია თანამდებობიდან გადააყენა.
როგორც ღარიბაშვილმა "ქართული ოცნების" ოფისში გამართულ ბრიფინგზე
განაცხადა, ალასანიას განცხადება იყო უპასუხისმგებლო, რომ ქვეყნის
ევროატლანტიკურ არჩევანზე არის შეტევა.
პრემიერმა თავდაცვის მინიტრს სამინიტროს პოლიტიზირებაში დაადანაშაულა და მის განცხადებებს უპასუხიმგებლო უწოდა. მისი თქმით, მინისტრი, რომელიც მეგობრებს აძლევს შესყიდვებს, ის თანამდებობდაზე ვერ დარჩებოდა.
"ალასანიას განცხადება იყო უპასუხისმგებლო, რომ სამინისტროში მიმდინარე გამოძიება არის ქვეყნის ევროატლანტიკურ არჩევანზე შეტევა. ჩვენი ქვეყნის ევროატლანტიკური ინტეგრაცია არის არა მხოლოდ ჩვენი მთავრობის, არამედ ჩვენი ხალხის არჩევანი და ეს პროცესი არის შეუქცევადი. საქართველოს მთავრობის მიერ არჩეული საგარეო კურსი, რომელიც ითვალისწინებს ევროატლანტიკურ ინტეგრაციას, არ არის და არასოდეს იქნება დამოკიდებული ერთი რომელიმე მინისტრის პოზიციაზე", - აღნიშნა მთავრობის მეთაურმა.
