ირაკლი ალასანია თავდაცვის მინისტრის პოსტს არ დატოვებს და არც „თავისუფალი დემოკრატები" გეგმავენ კოალიციის დატოვებას, - განაცხადა საგარეო საქმეთა მინისტრი მაია ფანჯიკიძემ.
მისი თქმით, ნაცვლად იმისა, რომ საკითხები გაირკვეს, კიდევ უფრო მეტი კითხვა ჩნდება.
„ძალიან რთული ვითარებაა. ამ რთულ ვითარებაში, ნაცვლად იმისა, რომ საკითხები გაირკვეს, კიდევ უფრო მეტი კითხვა ჩნდება. ეს ყველაფერი უკვე ძალიან ცუდ ფორმას იძენს. იმედი მინდა, გამოვთქვა, რომ შესაძლებელი გახდება იმ ეჭვების გაფანტვა, რომელიც აღძრულია საზოგადოებაში, აგრეთვე როგორც ხელისუფლების, ისე პარლამენტის შემადგენლობაში. ირაკლი ალასანია თავდაცვის მინისტრის პოსტს არ დატოვებს და არც „თავისუფალი დემოკრატები" გეგმავენ კოალიციის დატოვებას. ჩვენ 2012 წლის არჩევნებში ამ კოალიციით მივეცით პირობა ხალხს, რომ გავუმკლავდებოდოთ ქვეყნის წინაშე მდგარ ამოცანებს",- განაცხადა ფანჯიკიძემ.
