პოლიტოლოგი რამაზ საყვარელიძე ,,ჯი-ეიჩ-ენთან" საუბარში აცხადებს, რომ თავდაცვის უწყებაში მიმდინარე პროცესები სამართლებრივ ჩარჩოებს სცილდება და პოლიტიკურ ჭრილში გადადის.
საყვარელიძე არ გამორიცხავს, რომ თავდაცვის სამინისტროში მიმდინარე პროცესები ნაცმოძრაობის" ინტერესებს უკავშირდებოდეს.
,,თავიდან უარს ვამბობდი, რომ აღნიშნულ საქმეს პოლიტიკური გავლენა ჰქონდა, მაგრამ ამ ყველაფერმა ისეთი სახე მიიღო ვარაუდია, რომ პროცესი პოლიტიკურია. ჩემი აზრით, აქ ორი პოლიტიკური ინტერესია თეორიულად შესაძლებელი. პირველი_ის რაც გავრცელებულია მასმედიაში, რომ ხელისუფლების ამა თუ იმ ჯგუფს ალასანიას გუნდის შევიწროვება სურს, რაშიც ეჭვი მეპარება, რადგან ხელისუფლების ინტერესი თავდაცვის მინისტრის შვიწროვება არ უნდა იყოს, რადგან იგი არის ის ფიგურა, რომელსაც მხარდამჭერები ყავს უცხოეთში, ქართულ პოლიტიკურ სპექტრში და ხალხშიც. ამიტომ ხელისუფლების ეს ვერსია ჩემთვის ნაკლებად დამაჯერებელია. მეორე ვარიანტი რასაც თეორიულად განვიხილავ არის ის, რომ ,,ნაციონალური მოძრაობას" რომელსაც დღესაც საკმაოდ მჭიდრო კავშირები აქვს პროკურატურასთან ცდილობდეს ბზარი შეიტანოს სამთავრობო გუნდში და ამ მისი ერთ-ერთი მნიშვნელოვანი ფიგურა დააპირისპიროს დანარჩენ გუნდთან. მე პირად მეორე ვარანტი უფრო ლოგიკური მეჩვენება", _განაცხადა საყვარელიძემ ,,ჯი-ეიჩ-ენთან" საუბარში.
შეგახსენებთ, რომ 28 ოქტომბერს პროკურატურამ თავდაცვის სამინისტროს ხუთ მაღალჩინოსანს ბრალი წაუყენა. მათ გამოძიება სატენდერო პირობების დარღვევით სახელმწიფო ბიუჯეტის კუთვნილი თანხის გაფლანგვას ედავება. საუბარია, დაახლოებით, ოთხ მილიონ ლარზე. დღეს კი საგამოძიებო უწყებამ ჯარისკაცების მოწამვლის ფაქტზე თავდაცვის სამინისტროს რამდენიმე თანამშრომელს ბრალი წაუყენა.
