შვეიცარიული ჟურნალი "SCHWEIZER MONAT"-ის ნოემბრის თვის გამოცემა საქართველოს ეთმობა.
„პატარა სახელმწიფო სამხრეთ კავკასიაში- მრავალფეროვანი, ლამაზი და მოკლე დროში რადიკალურად შეცვლილი" - სწორედ ამ სათაურით აქვეყნებს საქართველოს შესახებ მასალას შვეიცარული გამოცემა. როგორც ,,ჯი-ეიჩ-ენს" საქართველოს საგარეო უწყებიდან აცნობეს
"SCHWEIZER MONAT"-ის სარედაქციო ჯგუფი საქართველოს სტუმრობდა, მათი რესპოდენტები საქართველოს მოქალაქეები, მეწარმეები, ისტორიკოსები, მხატვრები, ქვეყნის პრეზიდენტი და საგარეო საქმეთა მინისტრი იყვნენ.
ჟურნალი ინტერვიუს აქვეყენებს საქართველოს პრეზიდენტთან და საგარეო საქმეთა მინისტრთან.
მინისტრმა შვეიცარიულ გამოცემასთან ინტერვიუში ისაუბრა საქართველოს უძველესი ისტორიისა და კულტურის შესახებ, აღნიშნა ქვეყნის წინაშე მდგარი გამოწვევები და კიდევ ერთხელ დაადასტურა საქართველოს ევროპული და ევროატლანტიკური კურსის ურყევობა.
