თავდაცვის სამინისტროს თანამშრომლების დაკავებასთან დაკავშირებით საქართველოში შვეიცარიის დიპლომატიური წარმომადგენლობა განცხადებას ავრცელებს და იემდოვნებს, რომ გამოძიება უმაღლესი სტანდარტების დაცვით მოხდება.
„შვეიცარიას აქვს სრული ნდობა თავდაცვის მინისტრ ირაკლი ალასანიას საქმიანობისადმი და დარწმუნებულია, რომ მისი გუნდი მზადაა კეთილსინდისიერად ითანამშრომლოს გამოძიებასთან, რომელიც უკავშირდება საჯარო ფინანსების სავარაუდო გაფლანგვას", - ნათქვამია განცხადებაში.
შვეიცარიის დიპლომატიური წარმომადგენლობა განცხადებაში ხაზს უსვამს ორ ქვეყანას შორის არსებულ მჭიდრო თანამშრომლობას, რომელიც მიზნად ისახავს ხელი შეუწყონ ადამიანთა
უფლებების დაცვას, დემოკრატიულ და მდგრად ეკონომიკურ განვითარებას, ქვეყანაში მშვიდობასა და მის უსაფრთხოებას.
