30 ოქტომბერს ნატოს შტაბ-ბინაში გაიმართა ნატო-საქართველოს კომისიის სხდომა, რომელზეც განხილულ იქნა რუსეთის მხრიდან საქართველოს ტერიტორიების ანექსიისკენ გადადგმული მორიგი ნაბიჯი, კერძოდ, რუსეთის ფედერაციის მიერ აფხაზეთის საოკუპაციო რეჟიმისთვის ე.წ. „მოკავშირეობისა და ინტეგრაციის შესახებ შეთანხმების" წარდგენა. შეხვედრაზე ქართულმა მხარემ ალიანსს მიაწოდა ინფორმაცია აფხაზეთის რეგიონში შეთანხმების ხელმოწერასთან დაკავშირებული ვითარების შესახებ. მოკავშირეებმა გამოხატეს ურყევი მხარდაჭერა საერთაშორისოდ აღიარებულ საზღვრებში საქართველოს ტერიტორიული მთლიანობისა და სუვერენიტეტის მიმართ.
მასალის გამოყენების პირობები
