"ერთიანი ნაცონალური მოძრაობა" საპარლამენტო უმრავლესობას მოუწოდებს, პრეზიდენტის ვეტოს გადასალახად, ხმების მექანიკური გზით მოპოვებას არ შეეცადოს და სთავაზობს, ფარულ მოსმენებთან დაკავშირებით, საზოგადოებისთვის მისაღები ნორმა ერთოვლივად შეიმუშაონ.
როგორც დავით ბაქრაძემ პარლამენტში გამართულ ბრიფინგზე განაცხადა, პრეზიდენტის გადაწყვეტილება პრინციპული და გამართლებულია.
"ამ გადაწყვეტილების შემდეგ, ჩვენ როგორც პარლამენტს, გვრჩება ორი გზა. პირველი, უმრავლესობა შეეცდება მექანიკური, ხელების გადაგრეხვის გზით მოაგროვოს ხმები, გადალახოს ვეტო და დააბრუნოს მოვლენები ისე, როგორც იყო, ან დავსხდებით ერთად და მივიღებთ ისეთ გადაწყვეტილებას, რომელიც მოემსახურება ჩვენი საზოგადოების ინტერესებს.
მინდა მოვუწოდო საპარლამენტო უმრავლესობას და ხელისუფლებას, არ წავიდეს პირველი გზით, ვინაიდან სწორედ მათ და მთავრობას დაეკისრება პასუხისმგებლობა, იმ უკანონო მოსმენების გაგრძელებაში რაც დღეს ხდება.
როგორც იმ ხელისუფლების წარმომადგენელი, რომლის მიმართაც საზოგადოებას სრულიას სამართლიანად ჰქონა პრეტენზია უკანონო მოსმენებთან დაკავშირებით, სრულად ვაცნობიერებ პასუხისმგებლობას, რომ ერთხელ და საუდამოდ დასრულდეს უკანონო მოსმენის თემა", - განაცხადა ბაქრაძემ.
მისი თქმით, "ნაციონალური მოძრაობა" სრულად დაუჭერს მხარს არასამთავრობო სექტორის მიერ შეთავაზებულ წინადადებებს.
