გამორიცხული არა არის რომ Pპარლამენტმა პრეზიდენტის შენიშვნების, ან ვეტოს დაძლევის თაობაზე გადაწყვეტილება დღესვე მიიღოს. ამის შესახებ პარლამენტის თავმჯდომარემ დავით უსუფაშვილმა სესიაზე განაცხადა.
,,გამორიცხული არ არის დღესვე განვიხილოთ ეს საკითხი და მივიღოთ გადაწყვეტილება, ან პრეზიდენტის შენიშვნების, ან ვეტოს დაძლევის თაობაზე. სიჩქარე ამ საკითხში განპირობებული იმით რომ 1-ელი ნოემბერი სწორედ ხვალააა და თუ რაიმე გადაწყვეტილებაზე ერთობლივად ვყალიბდებით მაშინ ჯობია ეს გადაწყვეტილება დღეს იყოს მიღებული", _განაცხადა უსუფაშვილმა.
პრეზიდენტმა გიორგი მარგველაშვილმა ,,ელექტრონული კომუნიკაციის შესახებ" კანონს ვეტო დაადო. შესაბამისად შსს-ს ოპერატიულ-ტექნიკურ დეპარტამენტს ფარული მოსმენა-მიყურადების და ასევე კომუნიკაციის მაიდენტიფიცირებელი ინფორმაციის შენახვის უფლება აღარ ექნება.,,ელექტრონული კომუნიკაციის შესახებ" კანონთან დაკავშირებული პრეზიდენტის შენიშვნები პარალემნტს უკვე გადაეგზავნა. როგორც ,,ჯი-ეიჩ-ენთან" საუბარში პარლამენტის წესებისა და საპროცედურო საკითხთა კომიტეტის თავმჯდომარემ გიორგი კახიანმა განაცხადა პარლამენტს პრეზიდენტის მიერ ,,ელექტრონული კომუნიკაციის შესახებ" კანონზე ვეტოს დასაძლევად 76 ხმა სჭირდება.
