თავდაცვის სამინისტროს მაღალჩინოსნების საქმეზე პროკურორი პირველ განცხადებას აკეთებს.
როგორც 6 საათიანი სასამართლო სხდომის დასრულების შემდეგ პროკურორ ჯარჯი წიკლაურმა ჟურნალისტებს განუცხადა, გადაწყვეტილების მიღებისას სასამართლომ ბრალდებულების მხრიდან მოწმეებზე გავლენის მოხდენის შესაძლებლობა გაითვალისწინა.
"იმის გათვალისწინებით, რომ ბრალდებულები არიან თავდაცვის მოქმედი თანამდებობის პირები, მათ უშუალო დაქვემდებარებაში არიან დასაკითხი მოწმეები, ამდენად, სასამართლომ გაითვალისწინა საფრთხე, რომ ბრალდებულებმა შესაძლოა გავლენა მოახდინონ მოწმეებზე", - განაცხადა წიკლაურმა.
დაკავებულთა ადვოკატების ბრალდების, რომ სახელმწიფო ბრალდებამ მათი უფლებები შეზღუდა, პროკუორი ცრუ ინფორმაციას უწოდებს.
მისი ინფორმაციით, გამოძიება გრძელდება და დადგება თუ არა სხვა პირთა პასუხისმგებლობის საკითხი, მოგვიანებით გახდება ცნობილი.
სასამართლომ თავდაცვის სამინისტროს ხუთივე მაღალჩინოსანს 2 თვიანი წინასწარი პატიმრობა შეეფარდათ.
