თავდაცვის სამინისტროს თანამშრომლების ადვოკატი ლევან სამუშია საქალაქო სასამართლოში გამართულ პროცესზე არსებულ დარღვევბზე საუბრობს და აცხადებს, რომ იგი ყოველგვარ ნორმებიდან ამოვარდნილი იყო.
,,სასამართლომ დააკმაყოფილა პროკურორის აბსურდული შუამდგომლობა. სასამართლო პროცესი ყოველგვარი ნორმებიდან ამოვარდნილი იყო, რადგან მოსამართლემ დაცვის მხარეს არ მისცა შესაძლებლობა პოზიციის დაფიქსირების. პროკურორებმა თავისი აბსურდული პოზიცია დააფიქსირეს ორი საათის განმავლობაში, ჩვენ ადვოკატებს კი მოსამართლემ ორ-ორი წუთი გამოგვიყო", _განაცხადა ადვოკატმა და აღნიშნა, რომ რაც ხდება სამარცხვინოა.
შეგახსენებთ, რომ მოსამართლემ თავდაცვის უწყების მაღალჩინოსნებს აღმკვეთის ღონისძიების სახით ორთვიანი წინასწარი პატიმრობა შეუფარდა და მოსამართლემ სრულად გაითვალისწინა ბრალდების მხარის შუამდგომლობა და უარყო დაცვის მხარის მოთხოვნა, დაკავებული პირები გირაოს სახით გაეთავისუფლებინა.
თავდაცვის სამინისტროს ხუთი თანამშრომელის საქმეზე წინასასამართლო სხდომა 11 დეკემბერს გაიმართება.
მთავარმა პროკურატურამ თავდაცვის სამინისტროს მაღალჩინოსნები რამდენიმე დღის წინ დააკავა. უწყების ინფორმაციით, მოქმედ თანამდებობის პირებს ბრალად სახელმწიფო ბიუჯეტის კუთვნილი 4 მილიონ 102 ათას 872 ლარის გაფლანგვა ედება.
