საქართველოს ექსპრეზიდენტი მიხეილ სააკაშვილი სოციალურ ქსელში მსოფლიო ბანკის ყოველწლიურ რეიტინგში საქართველოს პოზიციების გაუარესებას ეხმიანება და აცხადებს, რომ საჭიროა დაუყოვნებლივ მოქმედება შემდგომი მძიმე შედეგების თავიდან ასაცილებლად.
,,ჩემი პრეზიენტობის 9 წლის განმავლობაში საქართველო მსოფლიო ბანკის ყოველწლიურ ბიზნესის სიიოლის რეიტინგში, 127 ადგილიდან მე-8 ადგილზე დაწინაურდა. არც ერთ ქვეყანას არ განუცდია მსგავსი პროგრესი ასეთ მოკლე დროში და ამიტომ საქართველო მსოფლიო ბანკის მიერ აღიარებულ იყო როგორც ნომერ 1 რეფორმატორი მსოფლიოს 200 ქვეყანას შორის. მე ვამაყობდი ამ შედეგით, რომელმაც საქართველოს მოუტანა ბევრი ინვესტიცია და გააჩინა უფრო მეტის პერსპექტივა მომავლისთვის.
საოცრად დამწყდა გული, როდესაც დღეს გამოქვეყნებულ წლევანდელ რეიტინგში საქართველოს პოზიციები თითქმის ორჯერ გაუარესდა მე-8-დან 15-ე ადგილზე გადაინაცვლა. ამ რეიტინგის მიხედვით როგორც არცერთი ქვეყნის პოზიციები ასე არ გაუმჯობესებულა ბოლო 9 წელიწადში, როგორც საქართველოსი, ასე არცერთი ქვეყნის პოზიციები არ გაუარესებულა, როგორც საქართველოსი ჩემი პრეზიდენობის ვადის გასვლიდან 1 წელიწადში. დაღმასვლა გვაქვს მსოფლიო კორუფციის Transparency International რეიტინგშიც, თუმცა ადრე ყოველ წელს ვიუმჯობესებდით მდგომარეობას. ეს არის პირდაპირი შედეგი წინა მთავრობის ჯინაზე გადადგმული გააზრებული თუ გაუაზრებელი ნაბიჯების. მეტიც, შარშან დავოსის ეკონომიკურ ფორუმზე ივანიშვილმა განაცხადა, რომ მსოფლიო ბანკის რეიტინგები იყო "სააკაშვილის სიცრუის შედეგი" და მისივე თქმით რუსების დიდი აპლოდისმენტები დაიმსახურა. წელს საქართველოს მთავრობა ხელახლა წარსდგება დავოსში უკვე რეალურად მკვეთრად გაუარესებული მაჩვენებლით.სამწუხაროდ ამ ყველაფრის ფასის გადახდა მოუწევს ქართველ ხალხს, რადგან ასეთ რეიტინგებში უკან დახევა გარდაუვლად კიდევ უფრო გააუარესებს ჩვენს ეკონომიკურ მდგომარეობას და მოგვისპობს პერსპექტივას.
საჭიროა დაუყოვნებლივ მოქმედება შემდგომი მძიმე შედეგების თავიდან ასაცილებლად", _განაცახდა სააკაშვილმა.
შეგახსენებთ, რომ: საქართველოს ბიზნესის წარმოების სიმარტივის მხრივ 189 ქვეყანას შორის მე-15 ადგილზეა.
• 2015 წლის ბიზნესის წარმოების კვლევა Doing Business (DB) 2015: ბიზნესის წარმოების სიმარტივის კატეგორიაში მიღებული ადგილი: 15
• 2014 წლის ბიზნესის წარმოების კვლევა (DB2014): მეთოდოლოგიაში შეტანილი ცვლილებების შემდეგ 2014 წლის მონაცემების ხელახალი გადაანგარიშების შედეგად (ე.წ. „ხელახალი გადაანგარიშება") ბიზნესის წარმოების სიმარტივის კატეგორიაში მიღებული ადგილი: 14
• 2015 წლის ბიზნესის წარმოების კვლევა (DB2015): „მანძილი საზღვრამდე" (ქულა): 79.46
2014 წლის ბიზნესის წარმოების კვლევა (DB2014): ხელახალი გადაანგარიშების შედეგად მიღებული „მანძილი საზღვრამდე" ქულა: 79.61; გაუმჯობესება: -0.15
საქართველომ 2005 წლის შემდეგ რეგიონში ყველაზე მეტი რეფორმა (36) განახორციელა, რაც რუანდას შემდეგ ყველაზე დიდი მაჩვენებელია მსოფლიოს მასშტაბით. მას მოჰყვება ყოფილი იუგოსლავიის რესპუბლიკა მაკედონია 34 რეფორმით. 2015 წლის ბიზნესის წარმოების კვლევაში საქართველოსთვის მნიშვნელოვანი ცვლილება არ დაფიქსირებულა 2014 წლის იმავე ანგარიშთან შედარებით.
