უშიშროების საბჭოს დასრულების შემდეგ საქართველოს პრეზიდენტმა გიორგი მარგველაშვილმა და პრემიერ მინისტრმა ირაკლი რარიბაშვილმა მედიისთვის ერთობლივი ერთობლივი განცხადება გააკეთეს.
"ჩვენ შევხვდით ძალიან მტკივნეულ და ურთულეს თემაზე, რომელიც შეეხება ჩვენი ქვეყნის სუვერენიტეტს, ჩვენს მოქალაქეებს, რომლებიც ცხოვრობენ აფხაზეთსა და ოსეთში. განხილვის თემა იყო ის, თუ როგორ უნდა ვუპასუხოთ ურთულეს ვითარებას, რომელიც შექმნილია აფხაზეთთან მიმართებაში. განვიხილეთ, გავაანალიზეთ მიმდინარე ქმედებები, ის, თუ რა საფრთხის წინაშე დგას ჩვენი ქვეყანა, ასევე ნაბიჯები, რასაც კოორდინირებულად გადადგამს მთავრობა, პრეზიდენტი და პარლამენტი", - აღნიშნა საქართველოს პრეზიდენტმა.
"კარგი საუბარი გამოგვივიდა, კარგი მსჯელობა გვქონდა. ვისაუბრეთ და შევთანხმდით, რომ კოორდინირებულად გავაგრძელებთ მუშაობას. ჩვენ დღეს გამოვაჩინეთ, რომ ნამდვილად შეგვიძლია ერთად მუშაობა და დღეს მოხდა ამის ნათელი დემონსტრირება", - აღნიშნა ღარიბაშვილმა.
