ლავრელაშვილის ინფორმაციით, ვიზიტის ჩაშლის შესახებ ინფორმაცია Leuven-ის უნივერსიტეტს საქართველოს საელჩომ მიაწოდა. როგორც ლავრელაშვილი აცხადებს, წერილში აღნიშნულია, რომ გიორგი მარგველაშვილი ბრიუსელში ჩასვლას ქვეყანაში შექმნილი პოლიტიკური კრიზისის გამო ვერ შეძლებს.

ლავრელაშვილი შიშობს, რომ მსგავსი ინფორმაცია საქართველოს ევროკავშირთან პრობლემებს შეუქმნის.

„ეს წერილი ჩემს გარდა 200-მდე ადამიანმა მიიღო. ამის შემდეგ გავრცელდა ინრფორმაცია და ყველა მეკითხება, თუ რა ხდება ასეთი საქართველოში. არ ვიცი მე მათ რა ვუპასუხო, მე თვითონაც გაკვირვებული ვარ", - განუცხადა თეონა ლავრელაშვილმა „რუსთავი 2"-ს.

ტელეკომპანიის ვებგვერდზე გამოქვეყნებულია წერილი, რომელიც Leuven-ის უნივერსიტეტისგან იმ პირებმა მიიღეს, ვინც შეხვედრას უნდა დასწრებოდა:

"Madame, Monsieur,

Nous avons bien reçu votre demande d"inscription à la conférence du Président de la République de Géorgie à l"UCL le mardi 28 octobre prochain et vous en remercions vivement.

Cependant, nous venons d"apprendre par les services de l"ambassade de Géorgie à Bruxelles que la visite du Président en Belgique est annulée en raison d"une crise politique en Géorgie.

Par conséquent, la conférence ne pourra malheureusement pas être organisée et nous en sommes sincèrement désolés. Merci de votre compréhension.

Sincères salutations

ქალბატონებო და ბატონებო

ჩვენ მივიღეთ თქვენი მოთხოვნა, საქართველოს პრეზიდენტის გამოსვლაზე დასწრების სურვილის შესახებ. რისთვისაც დიდ მადლობას გიხდით.

სამწუხაროდ გვინდა გაცნობოთ, რომ ვიზიტი ჩაშლილია. ბრიუსელში საქართველოს საელჩოდან მივიღეთ შეტყობინება, რომ საქართველოში შექმნილი პოლიტიკური კრიზისის გამო პრეზიდენტის ვიზიტი გაუქმებულია.

ამ მიზეზით სამწუხაროდ კონფერენციის ჩატარება შეუძლებელი ხდება.

დიდი მადლობა ყურადღებისთვის"