უმრავლესობის წევრი თამარ კორძია ადიგენის რაიონის სოფელ მოხეში მომხდარის გამო, მუსლიმ მოსახლეობას ბოდიშს უხდის.
კორძაია რელიგიის საკითხთა სახელმწიფო სააგენტოს აქტიური მუშაობისა და საკითხის უმოკლეს ვადაში შესწავლისკენ მოუწოდებს.
"ვთვლი, რომ რელიგიის სააგენტომ აქტიურად უნდა იმუშაოს, რადგან მათ აქვთ პრეტენზია, რომ ეს ტაძარი იყო მეჩეთი და ითხოვენ მის დაბრუნებას. ხელისუფლებამ იმიტომ შექმნა, რელიგიათა სააგენტო, რომ ასეთ საკითხებზე ემსჯელა და მსგავსი ტიპის კონფლიქტები აღმოფხვილიყო" ,- განაცხადა კორძაიამ.
რელიგიის საკითხთა სახელმწიფო სააგენტო გუშინ, მოხეში მომხდარ დაპირისპირებას განცხადებით გამოეხმაურა და ყველა მხარეს მოუწოდა, სიმშვიდე და კეთილგონიერება შეინარჩუნონ.
სააგენტოს განცხადებით, სახელმწიფოში თანაბრად უნდა იყოს დაცული ყველა რელიგიური გაერთიანების უფლება და მაქსიმალურად გათვალისწინებული თითოეულის ინტერესი.
