. მთავრობამ "უცხოელთა და მოქალაქეობის არმქონე პირთა სამართლებრივი მდგომარეობის შესახებ" კანონში ცვლილებები შეიტანა. როგორც მთავრობის სხდომის დასრულების შემდეგ იუსტიციის მინისტრმა თეა წულუკიანმა ჟურნალისტებთან განაცხადა აღნიშნული ცვლილებები იძლევა შესაძლებლობას იმ უცხოელებისთვის რომელთაც მარტიდან-სექტემბრამდე საბუთები ვერ მოაწესრიგდეს 1-ელ მარტამდე საკუთარ ქვეყანაში დაბრუნების გარეშე საქართველოშივე მოაწესრიგონ.
,,დღეს მთავრობამ ერთსულოვნად დაამტკიცა უცხოელთა და მოქალაქეობის არმქონე პირთა სამართლებრივი მდგომარეობის შესახებ" კანონში ცვლილებები რომელიც იმ უცხოელებს, რომლებმაც ვერ მოასწრეს მარტიდან-სექტემბრამდე მოეწესრიგებინა საბუთების დღეს მიეცათ კიდევ ერთი შეღავათი და ამ უცხოელებს 1-ელ მარტამდე ისე რომ არ დაბრუნდნენ საკუთარ ქვეყანაში აქვე შეცვალონ ვიზის კატეგორია თუკი ამის შესაბამისი საბუთები ექნებათ, აქვე აიღონ შესაბამისი ბინადრობის ნებართვა თუკი ამისთვის საკმარისი საბუთები ექნებათ", _განაცხადა მინსიტმა.
წულუკიანის თქმით, მთავრობამ ასევე დაამტკიცა ცვლილება რომლის თანახმად ყველა ის ინგილო თუ სხვა ადამიანს რომელიც სხვა ქვეყნის მოქალაქეა, თუ მათ ექნებათ თანამემამულის სტატუსი მათ შეეძლებათ სპეციალური ბინადრობის ნებართვის მოთხოვნით მიმართონ სერვისების განვითარების სააგენტოს ისე რომ არ მოუწოთ საკუთარ ქვეყანაში წასვლა.
მისივე განმარტებით საზღვრზე ვიზის აღებასთან დაკავშირებით არაფერი იცვლება გარდა ერთსია, რომ იმ სატვირთო მანქანებს ვისაც ჰქონდათ ტრანზიტული 5 დღიანი ვიზა ექნებათ 10 დღიანი ვიზა. ამასთან მძღოლს არ მოეთხოვება გარანტია მესამე ქვეყანაში შესვლის შესახებ.
რაც შეეხება ტურისტებს, წულუკიანის განცხადებით, ამ კუთხით არაფერი იცვლება, რადგან ტურისტებისთვის საქართველოში ისედაც მარტივი სავიზო რეჟიმია.
