საქართველოს საგანგებო და სრულუფლებიანმა ელჩმა სამხრეთ აფრიკის რესპუბლიკაში, ბექა დვალმა მადაგასკარის რესპუბლიკის პრეზიდენტს რწმუნებათა სიგელი გადასცა. ამით მადაგასკარის რესპუბლიკაში საქართველოს პირველი საგანგებო და სრულუფლებიანი ელჩის (რეზიდენციით ქ.პრეტორია) აკრედიტაციის პროცესი დასრულდა.
ცერემონიამდე, ქ. ანტანანარივოში, საქართველოს ელჩმა რწმუნებათა სიგელის ასლი გადასცა მადაგასკარის რესპუბლიკის საგარეო საქმეთა მინისტრს ჰარისოა ლალა რაზაფიტრიმოს, საგარეო საქმეთა მინისტრთან შეხვედრის დროს განხილულ იქნა ორ ქვეყანას შორის მეგობრობისა და თანამშრომლობის განვითარების პერსპექტივები. მადაგასკარის რესპუბლიკის საგარეო საქმეთა მინისტრის მხრიდან დაფიქსირდა დაინტერესება საქართველოსთან ტურიზმის და სოფლის მეურნეობის სფეროებში თანამშრომლობის, ასევე, პოლიციის და სახელმწიფო სერვისების რეფორმირების პროცესში საქართველოს გამოცდილების გაზიარების მიმართულებებით.
მასალის გამოყენების პირობები
