საქართველოს მთავრობის კანცელარია ხაზინიდან დამატებით 395 ათას ლარს მიიღებს. როგორც მთავრობის №1549 განკარგულებაშია აღნიშნული, თანხას მთავრობის კანცელარია მთავრობის სარეზერვო ფონდიდან მიიღებს და ის მიმართული იქნება ქართველთა და ებრაელთა 26-საუკუნოვანი მეგობრობისადმი მიძღვნილი ღონისძიებების გასამართად.
„ქართველთა და ებრაელთა 26-საუკუნოვანი მეგობრობისადმი მიძღვნილი ღონისძიებების სამოქმედო გეგმის დამტკიცების შესახებ" საქართველოს მთავრობის 2014 წლის 6 ივნისის №1007 განკარგულებით განსაზღვრული ღონისძიებების განსახორციელებლად საჭირო ხარჯების დაფინანსების მიზნით, საქართველოს ფინანსთა სამინისტრომ, „საქართველოს 2014 წლის სახელმწიფო ბიუჯეტის შესახებ" საქართველოს კანონით გათვალისწინებული საქართველოს მთავრობის სარეზერვო ფონდიდან, საქართველოს მთავრობის კანცელარიას გამოუყოს 395 000 ლარი:, - აღნიშნულია მთავრობის განკარგულებაში.
