წლის პირველი ნახევრის შედეგებით ვითიბი ბანკმა ფიზიკური პირების და ბიზნესის დაკრედიტება მნიშვნელოვნად გაზარდა. ბანკის მთლიანი საკრედიტო პორტფელის ზრდამ 10.8% შეადგინა. კერძოდ მსხვილი, საშუალო და მცირე ბიზნესის სესხები გაიზარდა 14% -ით და საკრედიტო პორტფელმა 361 მილიონ ლარს გადააჭარბა, ხოლო ფიზიკურ პირებზე გაცემული სესხების ზრდამ 5.4% შეადგინა და საკრედიტო პორტფელის მოცულობამ 198 მილიონ ლარს გადააჭარბა.
საანგარიშო პერიოდის განმავლობაში ფიზიკური პირების დეპოზიტების მოცულობა 10.7% -ით გაიზარდა და 200.3 მილიონ ლარს მიაღწია. იურიდიული პირების დეპოზიტების ზრდამ 14.1% შეადგინა და 384 მილიონ ლარს გადააჭარბა.
2014 წლის პირველ ნახევარში ვითიბი ბანკის აქტივები 5.4% -ით გაიზარდა, მოგებამ 3.9 მილიონი ლარი შეადგინა.
ვითიბი ბანკის ფინანსურმა დირექტორმა მამუკა მენთეშაშვილმა განაცხადა:
წარმატებული ფინანსური შედეგები, პირველ რიგში ბანკის თანმიმდევრული, სწორი განვითარების შედეგია. მუდმივი ზრდა, ჩვენი კლიენტების მხრიდან მაღალ ნდობაზე მიუთითებს. წლის დასაწყისიდან, ვითიბი ბანკი, ფინანსური მაჩვენებლის მიხედვით, მთლიან საბანკო ბაზარზე უფრო სწრაფად იზრდება, რაც ბიზნესის სტაბილურ განვითარებაზე მიუითითებს.
ცნობისათვის: ვითიბი ბანკი (ჯორჯია), ვითიბის საერთაშორისო ფინანსური ჯგუფის წევრია. დღეს ვითიბი ჯგუფის ბანკები 20-ზე მეტ ქვეყანაშია წარმოდგენილი. ვითიბი ჯგუფის უნივერსალური მოდელი მოიცავს: კორპორატიულ, საცალო და საინვესტიციო ბიზნესს.
ვითიბი ბანკ (ჯორჯიას), საქართველოში მოქმედ ბანკებს შორის უმაღლესი საკრედიტო რეიტინგი BB გააჩნია.
