„ვითიბი ბანკი" უპრეცენდენტო შემოთავაზებით გამოდის და მომხმარებელს ორ სრულიად ახალი ტიპის საკრედიტო პროდუქტს სთავაზობს. ბანკის ახალი პროდუქტი ითვალისწინებს სხვა ბანკებში არსებული სესხების გაერთანებას და ყოველთვიური გადასახდელი თანხის და საპროცენტო ხარჯის შემცირებას.
აღნიშნული პროდუქტი მომხმარებელს საშუალებას აძლევს გააერთიანოს სხვა ბანკებში არსებული სესხები, აიღოს ერთი სესხი 12,9% -ად უზრუნველყოფის გარეშე ან 11,9% -ად უძრავი ქონების უზრუნველყოფით და შესაბამისად შეიმციროს ყოველთვიური საპროცენტო ხარჯი.
აქციის უპრეცენდენტო პირობა იმაშიც გამოიხატება რომ, ვითიბი ბანკმა გამოუშვა სპეციალური პროდუქტი, ისეთი კლიენტებისათვის ვისაც შეექმნა სესხების დაფარვის პრობლემები სამსახურის დაკარგვის, შემოსავლის შემცირების და სხვა მიზეზების გამო. ასეთი კლიენტებისათვის მოხდება არსებული ვადაგადაცილებული სესხების გაერთიანება და მათ შემოსავლებზე მორგებული დაფარვის გრაფიკების შეთავაზება, რათა მომხმარებლებმა შეძლონ თავისუფლად მოემსახურონ ფინანსურ ვალდებულებებს. აღნიშნული პროდუქტის საპროცენტო განაკვეთი განაკვეთი შეადგენს 15%-ს და მცირდება ყოველ ექვს თვეში ერთხელ 1%-ით (არა ნაკლებ 12% -ისა).
„ვითიბი ბანკი თვისობრივად განსხვავებულ და დღეს ქართული ბაზრისთვის უმნიშვნელოვანეს პროდუქტს სთავაზობს მომხმარებელს. ჩვენ გადავწყვიტეთ თანადგომა გამოგვეხატა იმ ადამიანების მიმართ, რომლებიც მზად არიან კეთილსინდისიერი სესხის გადამხდელები იყვნენ, მაგრამ გარკვეული ფინანსური სირთულეების გამო შეექმნათ პრობლემები და დაუფიქსირდათ ვადაგადაცილებული სესხები. ამის მიუხედავად დღეს მათ კვლავ ეძლევათ შესაძლებლობა აიღონ სესხი ვითიბი ბანკში გადაფარონ სხვა მიმდინარე სესხები და რეალურად დაზოგონ ყოველთვიური საპროცენტო შენატანის თანხა.
ანალოგიურ პროდუქტს ჩვენ რა თქმა უნდა ვთავაზობთ ნებისმიერ მომხმარებელს, ვისაც გააჩნია სურვილი გაიმარტივოს პირობები, ჰქონდეს მხოლოდ ერთი სესხი და გაცილებით ნაკლები იხადოს ყოველთვიურად"- აცხადებს „ვითიბი ბანკის" საცალო ბიზნესის დირექტორი ვალერიან გაბუნია.
