თბილისის მერობის კანდიდატი, "სახალხო დემოკრატების" ლიდერი ნიკა ივანიშვილი და პარტიის ვაკის მაჟორიტარი დეპუტატობის კანდიდატი დავით ჭელიძე შატბერაშვილის ქუჩის მცხოვრებლებს შეხვდნენ.
კანდიდატები ვაკის მოსახლეობის პრობლემებს გაეცნენ და მათ მოგვარებას დაჰპირდნენ.
როგორც ივანიშვილმა განაცხადა, შატბერაშვილის ქუჩაზე არსებული ტერიტორია, სადაც სტადიონი იყო, გაიყიდა და ამჟამად მშენებლობა მიმდინარეობს.
ივანიშვილის განცხადებით, აღნიშნული პრობლემა შატბერაშვილის ქუჩის მცხოვრებლებს აწუხებთ და თავად დაუკავშირდნენ, რათა ადგილზე გაცნობოდა სიტუაციას.
"სახალხო დემოკრატებმა" განაცხადეს, რომ შეისწავლიან მდგომარეობას და კანონით გათვალისწინებულ ზომებს მიიღებენ.
