სახალხო დამცველი უჩა ნანუაშვილი არ გამორიცხავს, რომ გეგუთის ციხეში სიტუაციის დაძაბვა ხელოვნურად ხდებოდეს. როგორც საკითხის კომენტირებისას ნანუაშვილმა განაცხადა ციხეში სიტუაციის დარეგულირება და გარკვეულ კომპრომისებზე წასვლა უნდა მოხდეს.
,,გეგუთის ციხეში სიტუაცია უნდა დარეგულირდეს, უნდა მოხდეს გარკვეული კომპრომისები. საუბარია იმაზე, რომ მაქსიმალურად უნდა იქნას შესწავლილი ის პრობლემები, რომელიც ამჟამად გეგუთის დაწესებულებში არსებობს. ჩვენ, რა თქმა უნდა, არ მივესალმებით და მოვუწოდებთ პატიმრებს მსგავსი სახით პროტესტის გამოხატვა შეწყვიტონ, რადგან ნებისმიერი პრობლემა უნდა გადაწყდეს კანონის ჩარჩოებში და მნიშვნელოვანია, რომ არ მოხდეს ჯანმრთელობისთვის საშიში დაზიანებების მიღება", _განაცხადა ნანუაშვილმა.
მისივე განმარტებით, უნდა მოხდეს პატიმრების ყველა მოთხოვნის განხილვა.
,,ვრცელდება ძალაინ ბევრი ჭორი, გადაუმოწმებელი ინფორმაცია რაც კიდევ უფრო იწვევს სიტუაციის ესკალაციას. მე თვითონაც უშუალოდ გეუთში ყოფნის დროს შევესწარი ფაქტს, როდესაც მსჯავრდებული ოჯახის წევრს ურეკავდა და ეუბნებოდა, თითქოს, ზეწოლის ობიექტი იყო აწამებდნენ. თუმცა როცა აღნიშნულ მსჯავრდებულს შევხვდით მან ეს უარყო. სამწუხაროა, რომ გარკვეული ძალები ცდილობენ დაძაბულობის კერის შექმნას. იგივე ინფორმაცია, თითქოს, 6, 7, 8 თებერვალს გეუთის დაწესებულებაში სპეცრაზმი იმყოფებოდა, ეს ინფორმაციაც არ დადასტურდა. შესაბამისად მნიშვნელოვანია, რომ ყველა მოთხოვნა, რომელიც პატიმრებს აქვთ განხილული იქნეს და იმ მოთხოვნების შესრულება მოხდეს, რაზეც კანონი უშუალოდ მეტყველებს", _განაცხადა ნანუაშვილმა.