ტყიბულის რაიონში, მინდელის მაღაროში ელმავლის მემანქანე დაშავდა. მურად ჭელიძე ძლიერი დაზიანებით ქუთაისის სამხარეო კლინიკურ საავადმყოფოში მოათავსეს.
ის გვირაბში ჩარჩენილ ქვანახშირით დატვირთულ რამდენიმე ვაგონს ელმავლით დაეჯახა.
მომხდარის შემდეგ, დაზარალებულს თავად მოუწია რამდენიმე კილომეტრის ფეხით გამოვლა, რათა გვირაბიდან გამოსულიყო.
ექიმების განცხადებით, პაციენტის მდგომარეობა საშუალოდ მძიმეა. მას ქალა-ყბის მოტეხილობის გამო, ოპერაცია ჩაუტარდა.