შს მინისტრის ალექსანდრე ჭიკაიძის განცხადებით, დაახლოებით, 30-35% ავარიის მიზეზი მანქანის გაუმართაობაა. ამის შესახებ ჟურნალისტებთან ჭიკაიძემ ტექნიკური დათვალიერების აღდგენის შეფასებისას განაცხადა.
,,ევროკავშირთან მიახლოება გვაიძულებს ტექნიკური დათვალიერების აღდგენას. მსუბუქ სატრანსპორტო საშუალებებზე წლიური გადასახადი არაუმეტეს 48 ლარი იქნება. პირველ რიგში, ტექნიკური დათვალიერება არის საწინააღმდეგო იმ ტრაგიკული შემთხვევებისა, რასაც ავტოკატასტროფა ჰქვია. დაახლოებით, 30-35% ავარიის მიზეზი მანქანის გაუმართაობაა. ეს უზრუნველყოფს იმას, რომ ამის შედეგად მოქალაქეებმა უფრო გამართული მანქანით იმოძრაონ", - განაცხადა ჭიკაიძემ
შეგახსენებთ რომ 2015 წლის 1-ელი მარტიდან საქართველოში რეგისტრირებული ყველა კატეგორიის ავტოსატრანსპორტო საშუალება გზისთვის ვარგისობაზე სავალდებულო პერიოდულ ტესტირებას დაექვემდებარება.
