ყოფილი პრემიერ-მინისტრი და ,,მოქალაქის" დამფუძნებელი ბიძინა ივანიშვილი არასამთავრობო ორგანიზაციის წარმომადგენლებს პასუხობს და მათ პოზიციას, თითქოს, ხელისუფლების არ აკრიტიკებს არ იზიარებს. როგორც ივანიშვილმა საზოგადოებრივი მაუწყებლის ეთერში, გადაცემა "შეხვედრები მწერალთა სახლში" სტუმრობისას განაცხადა საკითხებში სადაც ხელისუფლებას არ ეთანხმება ნეგატიური დამოკიდებულება ჟურნალისტებთან შეხვედრისას მკვეთრად დააფიქსირა.
,,არასამთავრობოებს რაც შეეხება, ჩემს შემთხვევაში არც ერთი არ ჩანდა ისეთი, რომ პოზიტიურად მიეღო სექტორში ჩემი შემოსვლა და ამბობდნენ, რომ ეს ხელისუფლებას არ აკრიტიკებს და აბა რისთვის მოვიდაო, არადა ჩემს გამოსვლაში ღარიბაშვილსაც შევეხე, ბორდთან დაკავშირებითაც ვთქვი ცუდი რაც იყო, მანქანებთან დაკავშირებით დასმულ კითხვასაც იქვე დავეთანხმე. ყველა მიმართულებით ჩანდა ჩემი დამოკიდებულება კრიტიკული რაც იყო ის გავიზიარე, თუმცა ყველაფერი ეს გადაფარეს. მე მაქვს შეკითხვა არასამთავრობო სექტორის წარმომადგენლებთან, ეს სექტორი ასე თავისუფლად იყო და წინა ხელისუფლებას მათზე გავლენა არ მოუხდენია? _ესენი ობიექტურ პოზიციას ამჟღავნებდნენ, ახლა მე რომ შემახსენებენ, რომ ხელისუფლების კრიტიკა მაკლია. ისინი ამას იმ დროს კარგად აკეთებდნენ? ძალიან სოლიდურებს შევახსენებ, მარტო 26 მაისის შემდეგ მათი განცხადებები კორექტული იყო?" - განაცხადა ივანიშვილმა.
