დღეს, არასამთავრობო ორგანიზაციის „ადამიანი, კანონი, თავისუფლებას" თავმჯდომარე, გიორგი ჭულუხაძე და აღმასრულებელი დირექტორი, ნიკოლოზ მაღალდაძე, კახეთის გუბერნატორის პირველ მოადგილეს, ზურაბ არსენიშვილს შეხვდნენ. შეხვედრაზე განხილულ იქნა სამომავლო პროექტები, რომელიც უნდა განხორციელდეს რეგიონში. ასევე, საუბარი შეეხო იმ პრობლემებს, რომლის მოგვარება წლების განმავლობაში ვერ ხერხდებოდა.
როგორც ჩვენთვის გახდა ცნობილი წლის ბოლომდე დაგეგმილია წყალმომარაგების სისტემის სრული რეაბილიტაცია და 24 საათიან რეჟიმით სასმელი წყლით მოსახლეობის უზრუნველყოფა. ასევე, პრიორიტეტულია სარწყავი წლით მომარაგების და საირიგაციო სისტემის მოწესრიგება, რომლიც ასევე იგეგმება. გარდა ამისა, დაგეგმილია არაერთი ინფრასტრუქტურული პროეტის განხორციელება. მოწესრიგდება შიდა გზები და დაიგება ასფალტსაფარი.
აღსანიშნავია, რომ წინა ხელისუფლების პირობებში აპრობირებული მეთოდი, რომელიც დამატებით საბიუჯეტო ხარჯებს იწვევდა, აღარ დაიშვება. კერძოდ, ჯერ ხდებოდა ასფალტსაფარის დაგება და შემდეგ სანიაღვრე კომუნიკაციის მოწყობა, რაც რეალურად პირიქით უნდა განხორციელებულიყო.
ჩვენს ინტერესს წარმოადგენდა გაგვეგო, რა პრობლემებია მოსახლეობაში, რომლის იდენტიფიცირება მათი მხრიდან მომხდარია. რამდენად ხდება მოსახლეობასთან შეხვედრები და მათი მოსაზრებების და პრობლემების გათვალისწინება.
როგორც ბატონმა ზურაბმა განმარტა, ყველა ზემოხსენებული საკითხები მოდის უშუალოდ მოსახლეობის ინტერესებიდან გამომდინარე. გარდა ამისა, დაგეგმილია ახალი ამბოლატორიების მშენებლობა. „საყოველთაო დაზღვევის პროექტის დაწყებიდან გამომდინარე, სამედიცინო მომსახურებაზე მოთხოვნა გაზრდილია, რასაც ჩვენ ადეკვატურად ვპასუხობთ" - აცხადებს არსენიშვილი.
რეგიონში მთავარ პრობლემად ისევ რჩება უმუშევრობა. გუბერნატორი და სხვა ხელმძღვანელი პირები ამინდების გაუმჯობესების შემდეგ გეგმავენ მოსახლეობასთან უშუალო შეხვედრებს. დაიგეგმება პერმანენტული გასვლები სხვადასხვა სოფლებში, რათა ადგილზე მოხდეს საზოგადოების აზრის შესწავლა და მათ პრობლემაზე დროული რეაგირება. ამ მომენტისთვის ინტენსიურად მიმდინარეობს მოქალაქეების მიღება ადმინისტრაციაში.
ბატონმა ზურაბმა გამოთქვა სურვილი ადგილობრივი ახალგაზრდების ჩართულობა ყოველდღიურ ცხოვრებაში იყოს აქტიური. მისი განმარტებით საზოგადოებას დაგეგმილი თვითმმართველობის რეფორმის ფარგლებში ესაჭიროება ამომწურავი ინფორმაციის მიწოდება. სასურველია მოხდეს ახალგაზრდების დატრენინგება, რათა გააქტიურდნენ და ჩამოყალიბდნენ აქტიურ მოქალქეებად.
არასამთავრობო ორგანიზაცია „ადამიანი, კანონი, თავისუფლება" მსგავსი შეხვედრების გამართვას გეგმავს ყველა გუბერნატორთან. მიღებული ინფრომაციის საფუძველზე სისტემატურად მოხდება დაგეგმილი პროექტების განხორციელების მონიტორინგი და აღნიშნული ინფრომაცია სისტემატურად მიეწოდება საზოგადოებას.
მივესალმებით ინიციატივას ახალგაზრდების ჩართულობასთან დაკავშირებით. ამ ინიციატივის შესაბამისად, დაიგეგმა სამომავლო შეხვედრები უკვე გაფართოებულ ფორმატში. ადგილობრივ ახალგაზრდებს ჩაუტარდებათ ტრენინგები ადგილობრივი თვითმმართველობის ახალი მოდელის და თვითმმართველი ორგანოს უფლება-მოვალეობების შესახებ, რაც ვფიქრობთ დაეხმარება მომავალ თაობას აქტიურ მოქალაქედ ჩამოყალიბებაში და მათ მიეცემათ საშუალება თავიანთი წვლილი შეიტანონ რეგიონის განვითარების საქმეში.
•