ნაძალადევის რაიონში კვერნაულის ქუჩაზე დღეს დილით გაჩენილმა ხანძარმა ხუთი
ოჯახი დააზარალა. ნაძალადევის გამგეობის ინფორმაციით, ცეცხლმა საცხოვრებელი სახლების სახურავები და კედლები დააზიანა. მეხანძრეებმა დროულად შეძლეს ხანძრის ლიკვიდაცია. ადგილზე ნაძალადევის რაიონის გამგებელი ვახტანგ ბალავაძე იმყოფებოდა. მან შესაბამის სამსახურებს ზარალის დათვლა დაავალა და მოსახლეობას აღდგენით სამუშაოებში
დახმარებას დაპირდა.