დღეს, 5 თებერვალს, 10.00 საათზე, სასტუმრო „ქორთიარდ მარიოტში", საქართველოს ეკონომიკისა და მდგრადი განვითარების სამინისტროს ინიციატივით გაიმართება „საქართველოს სივრცითი მოწყობისა და მშენებლობის კოდექსის" პროექტის საჯარო განხილვა, რომელშიც მონაწილეობას მიიღებენ ადგილობრივი სამშენებლო და სივრცითი დაგეგმარების სფეროს, აგრეთვე სამეცნიერო წრეების, სამთავრობო და არასამთავრობო სექტორების წარმომადგენლები და საერთაშორისო ექსპერტები.
საჯარო განხილვას გახსნის ეკონომიკისა და მდგრადი განვითარების მინისტრის მოადგილე მიხეილ ჯანელიძე.