ყოფილი პრემიერი ბიძინა ივანიშვილი მიიჩნევს, რომ ეკლესიის არ უნდა იყოს ტაბუდადბული. მან კომენტარი პატრიარქის იმ განცხადებასთან დაკავშირებით გააკეთა, რომელიც სუროგაციის მეთოდით ბავშვის გაჩენას ეხებოდა.
პატრიარქმა საშობაო ეპისტოლეში დაწერა, რომ სუროგატი დედის მიერ დაბადებული ბავშვი„უსიყვარულობისათვის, მიუსაფრობისა და მარტოობისათვის" არის განწირული.
„პატრიარქსაც შეიძლება შეეშალოს. შეიძლება ბრძანოს, როგორც უყურებს და ჩვენ არ გავიზიაროთ. ეს ნორმალურია. არ გვინდა დოგმები. ეკლესია წამლების წინააღმდეგი იყო და დღეს მშვენივრად წამლობენ. როცა ორ მეუღლეს, ცოლსა და ქმარს არ აქვს საშუალება, შვილი გააჩინოს და ამაში მედიცინა ერევა, აქ საკამათო არაფერი არაა. ოდნავ საკამათო შეიძლება იყოს სუროგატული დედა, რაზეც კანონმდებლობას დახვეწა უნდა. ამ საკითხმა პრობლემები გამოიწვია მსოფლიოში, ევროპის ქვეყნებში. პრობლემატურია ეს საკითხი, კომერციალიზაცია ამ თემით", - აცხადებს ივანიშვილი.
იგი სუროგაციის მეთოდის არსებობაზე დებატებს საჭიროდ მიიჩნევს.
„ბევრი გაზარმაცებული ქალბატონი, რომელსაც ყველა საშუალება აქვს, გააჩინოს ბავშვი და ამის სურვილი არ აქვს, ეს განსახილვევლია. სადებატოა სუროგატული დედის თემა, რომელშიც საზოგადოებამ უნდა მიიღოს მონაწილეობა.
ჩემს ახლობელ ცოლქმარს დავეხმარე მაშინ, აქ ჯერ გაგონილი რომ არ ჰქონდათ. საფრანგეთში გააჩინეს, უსაყვარლესი შვილი ჰყავთ, 10 წელი არ უჩნდებოდათ", - აღნიშნავს ივანიშვილი.