ყოფილი პრემიერის ბიძინა ივანიშვილის ფონდი „ქართუ" არასამთავრობო ორგანიზაციებს 50 ათასი ლარით დააფინანსებს. ამის შესახებ, ივანიშვილმა მისი არასამთავრობო ორგანიზაცია „მოქალაქეს" პრეზენტაციაზე განაცხადა.
„მოქალაქე" ითანამშრომლებს ყველა იმ არასამთავრობო ორგანიზაციასთან, რომელსაც აქვს შესატყვისი კვალიფიციური ეთიკა, ევროპული სტანდარტები და თავისი საქმიანობით ხელს უწყობს ქვეყნის ევროპის სივრცისკენ ზრდას.
"„ქართუ ფონდის" მეშვეობით, სიმბოლურად, 50 ათასი ლარით დაფინანსდება რამდენიმე ახალი არასამთავრობო ორგანიზაცია. გამოვაცხადებთ დახურულ კონკურსს ან რაიმე მსგავსს, ამის შესახებ გაიგებთ. უნდა დაფუძნდეს არსებული არასამთავრობო ორგანიზაციებისგან განსხვავებული ორგანიზაციები. NGO-ების დიდი ნაწილი ფინანსდება და მათი შემოსავლის ძირითადი წყარო ესაა. ჩემს შემთხვევაში, სურვილი იქნება, დასაქმებულებიდან შეიქმნას რამდენიმე არასამთავრობო, მოვიძიებთ ადამიანებს, და მათი შემოსავლის წყარო მათი საქმიანობა იქნება. განსხვავება იქნება ის, რომ საკუთარი პროფესიით იქნებიან დასაქმებული", - განაცხადა ივანიშვილმა.