ტელეკომპანია „იბერია TV"-მ მაუწყებლობა განაახლა. როგორც სააგენტო „ჯი-ეიჩ-ენთან" საუბრისას ტელეკომპანიის დირექტორმა მაკა ჯაფარიძემ განაცხადა, არხი შემეცნებით-გასართობი იქნება და მასზე საინფორმაციო გამოშვებები არ გავა. ჯაფარიძის განმარტებითვე, არხზე შემეცნებით-გასართობილი გადაცემების გარდა მხატრული ფილმებიც გავა.
აღსანიშნავია, რომ განახლებულმა „იბერია TV"-მ მაუწყებლობა 3 თებერვალს დაიწო.
ტელეკომპანია "იბერია", რომელსაც ზაზა ოქუაშვილი ფლობდა, 2004 წელს დაიხურა, როდესაც ამ უკანასკნელის კუთვნილ კომპანია "ომეგაში" სპეცრაზმი შევიდა. „იბერიას' წარმომადგენლები აცხადებდნენ, რომ "ვარდების რევოლუციის" შემდეგ ტელეკომპანიის სამაუწყებლო ლიცენზია (№B106 ლიცენზია) ზეწოლით ჩამოერთვა და გადაეცა ტელეკომპანიას ,,აისი", რომელიც იმ პერიოდში შეიქმნა. "იბერიის" კუთვნილი სამაუწყებლო სიხშირის ამჟამინდელი მფლობელი ტელეკომპანია „აისი", გიორგი არველაძის გენერალური დირექტორობის პერიოდში „იმედის" მედიაჰოლდინგის მფლობელობაში შევიდა, ხოლო როდესაც მან "იმედი" პატარკაციშვილების ოჯახს დაუბრუნა, ზემოხსენებული სიხშირეც გადასცა. შესაბამისად, აღნიშნული სიხშირე "იმედის" მმართველი ჯორჯიან მედია პროდაქშენ გრუპის მფლობელობაში აღმოჩნდა.