უკრაინის საბაჟო სამსახურმა მაიდანისათვის პოლონეთიდან გამოგზავნილი 10 ტონა ჰუმანიტარული ტვირთით სავსე კონტეინერი დააკავა. „პოლონური რადიოს" ინფორმაციით, პოლონეთიდან მაიდანისათვის გაგზავნილ ტვირთს - თბილ ტანსაცმელს, საძილე ტომრებს, გასაშლელ საწოლებს, გადასახვევ მასალას მაიდანამდე ჯერაც არ მიუღწევია.
უკრაინის საბაჟო სამსახურმა კონტეინერი დაბლოკა.
ჰუმანტარული დახმარების გაწევის ინიციატორები გაკვირვებული არიან უკრაინული მხარის საქციელით, მით უფრო იმიტომ, რომ მათ პირველი ოფიციალური ჰუმანიტარული დახმარების გადატანისას უკრაინული მხარის ყველა მოთხოვნა ზედმიწევნით შეასრულეს.
„ამიტომაც ვერაფერს ჯერ მაიდანზე ვერ ვარიგებთ, უკრაინაში ჰუმანიტარული სამსახურის ბლოკადაა. არის მითითება არ მიიღონ არავითარი ჰუმანიტარული დახმარება",- აცხადებს ტრანსპორტის ორგანიზატორი, სასულიერო პირი მღვდელი სტეფან ბატრუხი.