4 თებერვალს, 12:00 სთ-ზე, "ავერსის" კლინიკაში (ვაჟა ფშაველას 27 ბ) საქველმოქმედო ფონდი "ავერსი" და ,,ავერსის კლინიკა" განაახლებს საქართველოს ოლიმპიურ კომიტეტთან დადებულ მემორანდუმს.
მემორანდუმის თანახმად, საქველმოქმედო ფონდი "ავერსი" იღებს ვალდებულებას, საქართველოს ეროვნული ოლიმპიური ნაკრების წევრებსა და ვეტერან სპორტსმენებს გაუწიოს უფასო სამედიცინო მომსახურება "ავერსის" კლინიკათა ქსელში და უფასოდ უზრუნველყოს მკურნალობისთვის საჭირო ყველა მედიკამენტით.
მემორანდუმი პირველად 2009 წელს 19 თებერვალს გაფორმდა. დღემდე ეროვნული ოლიმპიური კომიტეტის სპორტსმენებმა ისარგებლეს 532 640 ლარის სამედიცინო მომსახურებით და მიიღეს 206 025 ლარის ღირებულების მედიკამენტები.
მემორანდუმის თანახმად, სპორტსმენების ჯანმრთელობაზე ზრუნვა კომპანია "ავერსის" პრიორიტეტი იქნება.
ბრიფინგს დაესწრებიან:
საქართველოს ეროვნული ოლიმპიური კომიტეტის პრეზიდენტი ლერი ხაბელოვი;
საქართველოს ოლიმპიური კომიტეტის პირველი ვიცე-პრეზიდენტი ელგუჯა ბერიშვილი;
საქართველოს ოლიმპიური კომიტეტის ვიცე-პრეზიდენტი ნინო სალუქვაძე
"ავერსის" დამფუძნებელი პაატა კურტანიძე;
"ავერსის" კლინიკათა ქსელის გენერალური დირექტორი დიმიტრი ჯორბენაძე;
ოლიმპიური ჩემპიონები და პრიზიორები.