არასამთავრობო ორგანიზაცია „ადამიანი, კანონი, თავისუფლება" უსაკხლკაროთა თავშესაფრებში მონიტორინგს აგრძელებს. ორგანიზაციის წევრები ადგილზე არსებულ მდგომარეობას დეტალურად როგორც თბილისში ასევე გორში კიდევ ერთხელ გაეცნენ, და მობინადრეებს პირადად გაესაუბრნენ. მონიტორინგის ფარგლებში გამოვლენილი ხარვეზები, რომელიც მედიკამენტების ნაკლებობასა და დეზინფექციას გულისხმობდა, ამ ეტაპისათვის აღმოფხვრილია. თავშესაფრები მარაგდება ყველა იმ აუცილებელი მედიკამენტით, რომელიც უსახლკაროებს ესაჭიროებათ და ასევე თავდაცვის სამინისტროს სამედიცინო ბატალიონი კვირაში ორჯერ კარვებში დეზინფექციას ატარებს. კარვებში მცხოვრებ მობინადრეთა უმრავლესობა კვებით, ჰიგიენის ნორმებითა და სხვა არსებული პირობებით კმაყოფილია. თუმცა თავშესაფარში ბუნებრივი გარემოპირობებიდან გამოწვეული პრობლემები არსებობს, მობინადრეებს წვიმის შედეგად კარვებში შესული წყალი აწუხებთ. გამომდინარე იქიდან, რომ უახლოეს პერიოდში სინოპტიკოსები მთელი საქართველოს მასშტაბით ამინდის გაუარესებას ვარაუდობენ, „ადამინი, კანონი, თავისუფლება" შესაბამის უწყებებს მიმართავს, მიიღონ ყველა საჭირო ზომები აღნიშნული პრობლემის აღმოსაფხვრელად.