1. რიო-დე-ჟანეირო: ქალაქი სამხრეთ-აღმოსავლეთ ბრაზილიაში, რიო-დე-ჟანეიროს შტატის დედაქალაქი და ბრაზილიის მეორე უდიდესი ქალაქი, მესამე უმსხვილესი მეტროპოლია და აგლომერაცია სამხრეთ ამერიკაში.
იგი სამხრეთ ამერიკის ქალაქების მასშტაბით წელიწადში ყველაზე მეტ - 2,82 მლნ საერთაშორისო ტუსრისტს იღებს. ქალაქში ფუნქციონირებს მსოფლიო კლასის სასტუმროები, გააჩნია დაახლოებით 80 კმ სიგრძის პლაჟი, კორკოვადოსა და შაქრისთავის სახელგანთქმული მთები. მიუხედავად იმისა, რომ ქალაქში წარსულში ტურიზმი მეტად ყვაოდა, XX საუკუნის ბოლო მეოთხედში ტურიზმის ინდუსტრიამ დაკნინება დაიწყო. 1985 წლიდან 1993 წლამდე აეროპორტით საერთაშორისო ჩამოსვლებისა და სასტუმროთა დაკავაბულობის მაჩვენებელი მნიშვნელოვნად შემცირდა. ტურიზმის დაკნინებაზე გარკვეულწილად იმოქმედა დედაქალაქის რიოდან ბრაზილიაში და კომერციული ცენტრის სან-პაულუში გადატანამ. ამის შემდეგ, რიო-დე-ჟანეიროს მთავრობამ ქალაქის ეკონომიკის მოდერნიზება დაიწყო, შედარებით შეამცირა ქრონიკული სოციალური უთანასწორობა და გააუმჯობესა და გამოაცოცხლა მისი ტურიზმის ინდუსტრია.

2. სარაევო - ბოსნია და ჰერცეგოვინას დედაქალაქი და უდიდესი ქალაქი, მდებარეობა - 43°52'N და 18°25'E. 1991 აღწერით მოსახლეობა 529 672 ადამიანი; სადღეისოდ სავარუდო მოსახეობაა 600 000 ადამიანი.
ქალაქი დაარსებულია 1461 წელს ოსმალების მიერ.
1914 წელს სარაევოში მოკლულ იქნა ავსტრო-უნგრეთის იმპერიის ტახტის მემკვიდრე ერცჰერცოგი ფრანც ფერდინანდი, რამაც სათავე დაუდო პირველ მსოფლიო ომს. 1984 წელს სარაევო მასპინძლობდა ზამთრის ოლიმპიურ თამაშებს.

3. ლივერპული - საპორტო ქალაქია ჩრდილო-დასავლეთ ინგლისში (დიდი ბრიტანეთი), მდინარე მერსის აღმოსავლეთ შესართავთან. ქ. ლივერპულში ცხოვრობს 441,477 ათ. მოსახლე, ხოლო შემოგარენში 1,362,026 ათ. (2002წ. მონაცემებით). ეს ქალაქი ასევე ცნობილია ლეგენდარული ლივერპულელი ოთხეულის „ბითლზის" და საფეხბურთო კლუბ ლივერპულის გამო.

4. უმეო - ქალაქი ჩრდილოეთ შვედეთში. უმეოს მუნიციპალიტეტის ადმინისტრაციული ცენტრი და ვესტრებოტენის ლენის დედაქალაქი. გაშენებულია მდინარე უმეელვენზე. მდებარეობს სტოკჰოლმიდან 600 კმ-ით ჩრდილოეთით და პოლარული წრიდან 400 კმ-ით სამხრეთით.
უმეო ნორლანდის რეგიონის უდიდესი და შვედეთის სიდიდით მე-12 ქალაქია. უმეო შვედეთის საგანმანათლებლო, ტექნიკური და სამედიცინო კვლევების ცენტრია, ორი უნივერსიტეტითა და 30 000 სტუდენტით. 2014 წლისთვის არჩეულია ევროპის კულტურულ დედაქალაქად. პირველ წერილობით წყაროებში უმეო XIV საუკუნეშია მოხსენიებული.

5. ლვოვი - უდიდესი ქალაქი დასავლეთ უკრაინაში, ლვოვის ოლქის ადმინისტრაციული ცენტრი, ასევე ცალკეული რაიონი ამავე ოლქში. ქალაქი მიჩნეულია უკრაინის ერთ-ერთ მთავარ კულტურულ ცენტრად.
ლვოვის მთავარი საგანმანათლებლო კერებია, ლვოვის უნივერსიტეტი და ლვოვის პოლიტექნიკური. ქალაქშია ფილარმონიული ორკესტრი და ლვოვის ოპერისა და ბალეტის თეატრი. ისტორიული ცენტრი იუნესკოს მსოფლიო მემკვიდრეობის ძეგლთა სიაშია შეტანილი და აქ მრავალი არქიტექტურული ღირსშესანიშნაობაა. 2006 წელს ქალაქმა დაარსებიდან 750 წლისთავი იზეიმა.

6. მარსელი - ქალაქი და უმსხვილესი პორტი საფრანგეთში. მდებარეობს ხმელთაშუა ზღვის ჩრდილო-დასავლეთ სანაპიროზე. ქალაქი ბუშ-დიუ-რონის დეპარტამენტის ადმინისტრაციული ცენტრია. მარსელში არის საერთაშორისო აეროპორტი.

7. ალმათი, ასევე ალმა-ათა - ყაზახეთის უმსხვილესი ქალაქი. 1929-36 წლებში ყაზახეთის ასსრ-ის დედაქალაქი, 1936-91 წლებში ყაზახეთის სსრ-ის დედაქალაქი, 1991-97 წლებში ყაზახეთის რესპუბლიკის დედაქალაქი. პოლიტიკურ-ადმინისტრაციული ცენტრის სტატუსის დაკარგვის მიუხედავად, ქალაქი ქვეყნის კულტურული და ფინანსურ-ეკონომიკური ცენტრია და ასევე ერთადერთია ქვეყანაში, რომლის მოსახლეობა მილიონს აჭარბებს.
2007 წლის ივნისში ქალაქი შეყვანილ იქნა მსოფლიოს ყველაზე ძვირ ქალაქთა სიაში. 90-იანი წლებიდან მნიშვნელოვან ეკონომიკური და საინვეტიციო ბუმს განიცდის, რასაც შედეგად ინტენსიური მშენებლობა მოჰყვა.

8. როტერდამი - ქალაქი ნიდერლანდებში, მდებარეობს სამხრეთი ჰოლანდიის პროვინციაში. იქ სადაც მდინარე მაასი უერთდება ჩრდილოეთის ზღვას.

9. გლაზგო - ქალაქი დიდი ბრიტანეთის ჩრდილო-დასავლეთ ნაწილში (შოტლანდია), შუა შოტლანდიის დაბლობზე, მდინარე კლაიდის ნაპირას, შესართავიდან 35 კმ-ზე. გლაზგო კელტურად ნიშნავს „მშვენიერ მწვანე ადგილს".

10. პორტლენდი - ქალაქი აშშ-ში, ორეგონის შტატში. მდებარეობს მდინარეების ვილამეტისა და კოლუმბიის შესართავთან. პორტლენდი აშშ-ში ერთ-ერთი ყველაზე გამწვანებული ქალაქია.