,,არავინ უნდა გააფიტიშოს ის ადამიანები რომლის მიზანი სახელმწიფოს ჩამოშლა და დატერორებაა", _განაცხადა ,,ქორთიარდ მარიოტში" ჟურნალისტებთან ,,ნაცმოძრაობის" წევრმა აკაკი მინაშვილმა გავრცელებული ვიდეომასალის კომენტირებისას.
მისივე განცხადებით, არსებული ხელისუფლების პირობებში სახელმწიფოს ფასეულობების ნიველირება ხდება.
,,ამ ხელისუფლების პირობებში ნიველირება ხდება სახელმწიფოს ფასეულობების. საქმე გვქონდა აჯანყებასთან, ადამიანები გეგმავდნენ ტანკებით, შეიარაღებით ქალაქში გამოსვლას, რასაც სერიოზული სისხლის ღვრა მოჰყვებოდა. სახელმწიფომ ეფექტურად იმოქმედა და აღკვეთა დანაშაული. მთავარი არის ის, რომ არავინ უნდა გააფიტიშოს და მაღალ სიმაღლეზე არ უნდა აიყვანოს ის ადამიანები რომლის მიზანი სახელმწიფოს ჩამოშლა და დატერორებაა. ამისთვის სახელმწიფომ უნდა იბრძოლოს. მე მაქვს სერიოზული კითხვა, ეს ხელისუფლება მაშინ რომ ყოფილიყო საინტერესოა რა მოხდებოდა?-გეტყვით რა მოხდებოდა დაპირისპირება საზოგადოებაში და რუსეთი პირდაპირ ხელში ჩაიგდებდა მთელს ქართულ სახელმწიფოს. ამიტომ ასეთ დროს პრინციპული, ეფექტური მოქმედება დემოკრატიულად არჩეული ხელისუფლების ყველაზე მთავარი მიზანია", _განაცხადა მინაშვილმა.