აფხაზეთის ავტონომიური რესპუბლიკის მთავრობის თავმჯდომარის მოვალეობის შემსრულებელმა ვახტანგ ყოლბაიამ, საქართველოში იაპონიის დიპლომატიური წარმომადგენლობის ხელმძღვანელის მოადგილე, მრჩეველი ჰიროკი ტოკუნაგა და გრანტების კონსულტანტი თაე იამამოტო მიიღო.
იაპონიის ელჩის მოადგილემ კიდევ ერთხელ დაადასტურა იაპონიის მხარდაჭერა საქართველოს ტერიტორიული მთლიანობისა და არაღიარების პოლიტიკის მიმართ.შეხვედრაზე საელჩოს წარმომადგენლებს მიეწოდათ ინფორმაცია აფხაზეთის ავტონომიური რესპუბლიკის მთავრობის საქმიანობის შესახებ.
საუბარი ძირითადად შეეხო ჰუმანიტარულ საკითხებს, კერძოდ იაპონიის შესაძლო ჩართულობას აფხაზეთიდან დევნილთა სოციალურ-ეკონომიური მდგომარეობის გაუმჯობესებისა და მათი დასაქმების კუთხით. ასევე, იმსჯელეს სოფლის მეურნეობის სფეროში შესაძლო განსახორციელბელ პროგრამებზე და ჯანდაცვის სფეროში არსებულ პრობლემებზე. საელჩოს წარმომადგენლებმა გამოთქვეს მზადყოფნა, რომ შესაძლებელია განხილულ და უზრუნველყოფილი იქნეს გარკვეული
პროექტები ამ მიმართულებით.
შეხვედრის დასასრულს გამოითქვა მზადყოფნა მომავალში საქმიანი თანამშრომლობის გაგრძელების შესახებ.
შეხვედრას აფხაზეთის ავტონომიური რესპუბლიკის მთავრობის მხრიდან, აფხაზეთის ავტონომიური რესპუბლიკის ჯანდაცვის მინისტრი ქეთევან ბაკარაძე და აფხაზეთის ავტონომიური რესპუბლიკის სოფლის მეურნეობის, გარემოს დაცვისა და ბუნებრივი რესურსების დეპარტამენტის უფროსი ვალერი ბასარია ესწრებოდნენ.
