ხვალ, 28 იანვარს, კონფლიქტების და მოლაპარაკებების საერთაშორისო კვლევითი ცენტრი(ICCN) და მრავალარხიანი დიპლომატიის ინსტიტუტი-საქართველო გამართავს კონფერენციას, რომელიც ჩატარდება ICCN-ის ოფისში (თბილისი, მაჩაბლის ქ. 5). კონფერენცია წარმოადგენს გრძელვადიანი ინიციატივის - „განიარაღება და მშვიდობის მშენებლობა სამხრეთ კავკასიაში" პირველ ეტაპს.
აღნიშნულ კონფერენციაზე ყურადღება გავამახვილდება საქართველოში მშვიდობის მშენებლობასთან დაკავშირებით გამოწვევებსა და შესაძლებლობებზე და სამხრეთ კავკასიის ქვეყნებს შორის პოტენციური თანამშრომლობის პერსეპექტივებზე ისეთი საკითხების მიმართ, როგორიცაა ეკოლოგიური და ეკონომიკური უსაფრთხოება. აქედან გამომდინარე, თუ რა როლი შეიძლება იქონიოს საქართველომ აღნიშნული მიმართულებით სამხრეთ კავკასიის ქვეყნებს შორის თანამშრომლობის განმტკიცებაში.
კონფერენცია გაგრძელდება მთელი დღის განმავლობაში. ღონისძიებაში მონაწილეობენ სამხედრო, გარემოს დაცვისა და ეკონომიკური ექსპერტები და აგრეთვე, საერთაშორისო საზოგადოება.
კონფერენციის სამუშაო განრიგი:
1) იარაღის საყოველთაო გაუვრცელებლობა;
2) იარაღით ვაჭრობის შემცირების გზები;
3) საქართველოსა და სამხრეთ კავკასიის გავლით იარაღით უკანონო ვაჭრობის წინააღმდეგ ბრძოლა;
4) ძირითადი პრობლემები და გამოწვევები იარაღის გაუვრცელებლობის საკითხში;
5) აღნიშნული პრობლემების დაძლევის გზები;
6) რეგიონისათვის საერთო პრიორიტეტების განსაზღვრა გარემოს დაცვის კუთხით;
7) ეკონომიკური თანამშრომლობის განვითარებისათვის კონკრეტული გზების მოძიება.
ღონისძიების სამუშაო ენებია ქართული და ინგლისური.
16:00 საათზე გაიმართება პრესკონფერენცია