გუდაურში სეზონი იხსნება. გუდაურის განვითარების სააგენტოს დირექტორის სანდრო ონოფრიშვილის ცნობით, სათხილამურო სეზონი გუდაურში ოფიციალურად 25 იანვარს გაიხსნება. სათხილამურო სეზონის გახსნის შემდეგ ავტომატურად ამოქმედდება სეზონზე გათვალისწინებული აბონიმენტის ფასები. გამომდინარე იქიდან, რომ ნავარაუდევთან შედარებით სათხილამურო სეზონი ერთი თვის დაგვიანებით იწყება, ცვლილებაა სასრიალო აბონიმენტების ფასებშიც. 25 იანვრიდან უფროსის გაიაფებული სეზონურის სქი-ფასი ნაცვლად 500 ლარისა ღირს 400 ლარი, ბავშვის სეზონური სქი-ფასი ნაცვლად 250 ლარისა 200 ლარი. სტუდენტური სქი-ფასები 25 იანვრიდან ეღირება უფროსის სასრიალო სეზონური სქი-ფასის 50%. გუდაურში ამ წუთებში ინტენსიურად თოვს. საქართველოს ჰიდრომეცენტრის ინფორმაციით კურორტზე თოვა 26 იანვარს გაძლიერდება, ხოლო მომდევნო დღეებში პერმანენტულად ითოვებს. აღნიშნული გარემოება გუდაურის განვითარების სააგენტოს აძლევს საშუალებას, რომ სათხილამურო სეზონი ოფიცილურად გაიხსნას.
მასალის გამოყენების პირობები